BruumRuum! (C)

Cor, ruído e interactividade son a base de BRUUM RUUM, unha instalación pública en Barcelona. David Torrents, deseñador gráfico catalán, e Maurici Ginés, artista da luz, constrúen un novo espazo en Barcelona: unha praza que mestura cor, son e interactividade. Cor porque constantemente hai luces en movemento que flúen baixo os pés de quen a observan. Son porque hai sensores de son que perciben os ruídos ambientais e os berros da contorna. Interactividade porque as luces suaves oscilan dramaticamente segundo a intensidade dos berros ou ruídos. A instalación BruumRuum! é coma un xogo no espazo público que somerxe a xente nun mundo de son, ritmo, formas de cor… Un grande ecualizador que pode medir e facer visibles os movementos da cidade.