Despois de ti

Nun acto desesperado por salvar a súa relación, Natalia decide acompañar á súa parella, Xabi, ao seu próximo destino laboral: as paradisíacas Illas Cíes. Nada máis chegar ao arquipélago, ambos os dous sepáranse, mais a decepción de Natalia queda en segundo plano debido ao encontro cunha misteriosa muller procedente do mar. Natalia forza coincidir cada vez máis coa enigmática moza, creando uns intensos e perigosos lazos fortalecidos pola doce voz da muller e as numerosas incitacións para marchar con ela ao que chama paraíso. As dúbidas invaden a Natalia, pois debe elixir entre continuar coa súa vida ou seguir á muller misteriosa.