Querida Gina

Juan e Serafín son dous homes correntes que viven nunha pequena aldea do norte da España. Pero cando están a piques de face-los 80 anos, un feito do seu pasado vai irromper na súa calma cotiá. Acompañados do seu novo amigo galés, Tim, emprenderán unha viaxe ata Roma para cumpri-lo seu soño da mocidade: coñecer a Gina Lollobrigida, a diva da que namoraron cando compartiron pantalla con ela no filme “Salomón e a raíña de Saba” (King Vidor, 1959)